Vozme é un interesante e moi sinxelo programa para converter texto en voz. A calidade das transcricións, como case sempre neste tipo de aplicacións, non é nada doutro mundo, pero aí está, para os que lles dá aquel usar a súa propia voz nos seus falangullos. O máis destacado é que ten un plugin para Wordpress, e un script para inserir nos modelos de Blogger, que fan que se poidan escoitar as entradas do teu blog, cousa moi útil para os invidentes ou para os preguiceiros que non queren ler posts longos.
Dispón de conversión ao castelán, inglés e italiano.
+ info: http://vozme.com/, instrucións para inserilo no teu weblog aquí.

Desde o pasado 24 de agosto, o servizo de blogs de Blogger engadiu a posibilidade de inserir un video nos posts. Por medio dun botón no editor de artigos, permíteche subir videos de até 100 Mb de cada vez (AVI, MPEG, QuickTime, Real e Windows Media), podendo así converter o teu blogue nun videoblogue ou videocast.
+ info: a nova (en inglés), como furrula (en inglés)